News
സമര്‍പ്പിത വര്‍ഷത്തിന്റെ രൂപതാ‍തല ഉദ്ഘാടനം
പരിശുദ്ധപിതാവ് ഫ്രാന്‍സിസ് മാര്‍പ്പാപ്പ 2014 നവംബര്‍ 30 മുതല്‍ 2016 ഫെബ്രുവരി 2 വരെ സമര്‍പ്പിതവര്‍ഷമായി പ്രഖ്യാപിച്ചിരിക്കുകയാണല്ലോ. നമ്മുടെ രൂപതയിലെ സമര്‍പ്പിത വര്‍ഷാചരണത്തെക്കുറിച്ച് ആലോചിക്കുവാനായി രൂപതയിലെ സമര്‍പ്പിത സമൂഹങ്ങളിലെ മേജര്‍ സുപ്പീരിയര്‍മാരുടേയും സര്‍പ്പിത പ്രതിനിധികളുടേയും ഒരു സമ്മേളനം കൂടുകയുണ്ടായി. ഈ സമ്മേളനത്തില്‍ വച്ച് നമ്മുടെ രൂപതയിലെ സമര്‍പ്പിത വര്‍ഷാചരണത്തിന്റെ ഔദ്യോഗിക ഉദ്ഘാടനം 2014 നവംബര്‍ 22 ന് ശനിയാഴ്ച്ച ദ്വാരക പാസ്റ്ററല്‍ സെന്ററില്‍ വച്ച് നടത്തവാനം അതിലേയ്ക്ക് ബഹുമാനപ്പെട്ട ഫൊറോന വികാരിമാര്‍, പാസ്റ്ററല്‍ കൌണ്‍സില്‍ സ്റ്റിയറിങ് കമ്മിറ്റി അംഗങ്ങള്‍, വൈദികസമിതി അംഗങ്ങള്‍, നമ്മുടെ രൂപതയിലെ സുപ്പീരിയര്‍ ജനറല്‍മാര്‍, പ്രൊവിന്‍ഷ്യല്‍ സുപ്പീരിയര്‍മാര്‍, റീജണല്‍ സുപ്പീരിയര്‍മാര്‍, എല്ലാ സമര്‍പ്പിത സമൂഹങ്ങളുടേയും സുപ്പീരിയര്‍മാര്‍ എന്നിവരെ ക്ഷണിക്കുവാനും തീരുമാനിച്ചു. ഇതനുസരിച്ചിള്ള അഭിവന്ദ്യപിതാവിന്റെ ക്ഷണക്കത്തുകള്‍ മേര്‍പറഞ്ഞവര്‍ക്ക് എല്ലാവര്‍ക്കും അയച്ചിട്ടുണ്ട്. ഏതെങ്കിലും സാഹചര്യത്തില്‍ ക്ഷണക്കത്ത് ലഭിക്കാതെ പോയാലും ബന്ധപ്പെട്ടവര്‍ പ്രസ്തുത ഉദ്ഘാടന പരിപാടിയിലേയ്ക്ക് വന്നുചേരണമെന്ന് താല്പര്യപ്പെടുന്നു.